![](/static/articles/01/24/06/l-uAkhk1x41R.jpg)
Կանցկացվի համաժողով՝ գյուղի և գյուղատնտեսության զարգացման թեմայով
Մարտի 28-ին և 29-ին Ծաղկաձորում կանցկացվի «Հեյֆեր Հայաստանի» ծրագրերի տարեկան համաժողովը՝ «Սոցիալական կապիտալը՝ որպես գյուղի և գյուղատնտեսության զարգացման գրավական» խորագրի ներքո:
Համաժողովին ներկա կլինի մոտ 60 մասնակից, այդ թվում՝ ՀՀ գյուղատնտեսության նախարարության և ՀՀ գյուղատնտեսության նախարարության ծրագրերի իրականացման գրասենյակի պատասխանատու ներկայացուցիչներ, «Հեյֆեր Հայաստանի» համայնքային ծրագրերի իրականացնողներ, համայնքային առաջնորդներ և գործընկերներ:
Համաժողովի մասնակիցներին կարևոր ուսուցումներ կտրամադրվեն արոտավայրերի կառավարման, կաթնամթերքի արտադրության և գյուղական կոոպերատիվների կազմավորման, կառավարման և զարգացման վերաբերյալ:
Միջոցառումը կամփոփվի «Հայաստանի գյուղական կոոպերատիվների մարտահրավերները» թեմայով կլոր սեղան-քննարկմամբ:
1999թ.-ից ի վեր «Հեյֆեր» շահույթ չհետապնդող բարեգործական կազմակերպությունը Հայաստանում իրականացրել է 58 ծրագիր՝ աջակցելով ավելի քան 8000 գյուղաբնակ ընտանիքների բարելավելու իրենց սոցիալ-տնտեսական պայմանները: Միայն 2011 ֆինանսական տարվա ընթացքում «Հեյֆեր Հայաստանն» աջակցել է փոքր ֆերմա ունեցող 934 գյուղաբնակ ընտանիքի:
Մեկնաբանել