Տեսանյութեր
Լուսանկարներ
Առողջապահական և աշխատանքի տեսչական մարմինը հայտնում է «Սոլկոսերիլ» դեղի տարբեր սերիաների հետկանչի մասին
Առողջապահական և աշխատանքի տեսչական մարմինը (ԱԱՏՄ) հայտնում է «Սոլկոսերիլ» դեղի տարբեր սերիաների հետկանչի մասին։
Դեղ ներմուծող 6 կազմակերպության ԱԱՏՄ ղեկավարի կողմից տրվել է հետկանչի կարգադրագիր՝ հիմք ընդունելով ԱՆ «Ակադեմիկոս Է. Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲԸ փորձագիտական եզրակացությունը։
Համաձայն դրա՝ ՊԱԳ համապատասխանության դիտարկման ժամանակ հայտնաբերվել են ՊԱԳ պահանջների խախտումներ, բացակայել են ներարկման համար նախատեսված լուծույթների ստերիլության երաշխիքները հետեւյալ դեղերի դեպքում՝
• Սոլկոսերիլ արյունատրամալուծիչ հորթի արյունից սպիտակուցազերծ լուծույթ ն/ե և մ/մ ներարկման 42,5մգ/մլ; (25/5×5/) ամպուլներ 2մլ Շվեյցարիա Լեգասի Ֆարմասյուտիկալս Սուիտզերլանդ ԳմբՀ, Ռուհրբերգշտրասե 21, 4127 Բրիսֆելդեն, ՄԵԴԱ Ֆարմասյուտիկալս Սուիտզերլանդ ԳմբՀ, Հեգնաուշտրասե 60, 8602 Վանգեն-Բրուտիսելեն (Շվեյցարիա),
• Սոլկոսերիլ արյունատրամալուծիչ հորթի արյունից սպիտակուցազերծ լուծույթ ն/ե և մ/մ ներարկման 42,5մգ/մլ; (5) ամպուլներ 5մլ Շվեյցարիա Լեգասի Ֆարմասյուտիկալս Սուիտզերլանդ ԳմբՀ, Ռուհրբերգշտրասե 21, 4127 Բրիսֆելդեն, ՄԵԴԱ Ֆարմասյուտիկալս Սուիտզերլանդ ԳմբՀ, Հեգնաուշտրասե 60, 8602 Վանգեն-Բրուտիսելեն (Շվեյցարիա) :
Հաշվի առնելով ԱԱՏՄ կանոնադրության 19-րդ կետի 7-րդ ենթակետի պահանջները՝ ԱԱՏՄ ղեկավարի կողմից տրվել են կարգադրագրեր դեղը ներմուծող «Արտեմիդ» ՍՊ, «Ալֆա-ֆարմ իմպորտ» ՓԲ, «Վագա-ֆարմ» ՍՊ, «Նատալի ֆարմ» ՍՊ, «Էսկուլապ» ՍՊ, «Ռիխտեր-Լամբրոն» Հ/Ձ ՍՊ ընկերություններին՝ ըստ դեղի առանձին սերիաների։
Կարգադրված է բոլոր դեպքերում հետկանչի ավարտից հետո դեղի ոչնչացումն իրականացնել «Դեղերի մասին» օրենքի 23-րդ հոդվածի 2-րդ մասով, 26-րդ հոդվածով և ԱՆ 2013 թ․ փետրվարի 1-ի «Դեղատներում կամ դեղատնային կրպակներում բժշկական թափոնների հաշվառման կարգը սահմանելու մասին» N 05-Ն հրամանով սահմանված կարգով։
Իրականացված միջոցառումների մասին 3 օրը մեկ անգամ ներկայացնել հաշվետվություն Տեսչական մարմին՝ ՀՀ ք. Երևան, Նորք-Մարաշ, Ա. Արմենակյան 129 և [email protected] հասցեներով:
Բոլոր մանրամասները՝ կից հղումով։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել