Մայիսի 28-ից հունիսի 2-ը Երևանում կանցկացվի պատանի երաժիշտ-կատարողների միջազգային 2-րդ փառատոնը, որին կարող են մասնակցել մինչև 18 տարեկան երաժիշտներ տարբեր երկրներից:

Փառատոնի եզրափակիչ շքահամերգին, որը տեղի կունենա «Արամ Խաչատրյան» համերգասրահում, լավագույն երաժիշտ-կատարողները հանդես կգան Հայաստանի պետական ֆիլհարմոնիկ նվագախմբի նվագակցությամբ:

Փառատոնի շրջանակներում նախատեսվում են նաև ստեղծագործական հանդիպումներ պատվավոր հյուրերի՝ հանրաճանաչ երաժիշտների հետ, կլինեն այցելություններ մայրաքաղաքի թանգարաններ, նաև Հայաստանի հոգևոր կենտրոն Էջմիածին:

ՀՀ նախագահի տիկին Ռիտա Սարգսյանի հովանու ներքո անցկացվելիք փառատոնին աջակցում են ՀՀ մշակույթի նախարարությունը, Կամերային երաժշտության ազգային կենտրոնը, Հայաստանի պետական ֆիլհարմոնիկ նվագախումբը, կազմակերպիչն է Հայաստանի մշակույթի գործիչների ընկերակցությունը: