Ազգային անվտանգության ծառայություն են հրավիրվել ՀՅԴ կուսակցության ներկայացուցիչ Արծվիկ Մինասյանը, «Հայրենիք» կուսակցության ներկայացուցիչ Արսեն Բաբայանը և «Ազգային օրակարգ» կուսակցության ներկայացուցիչ Արա Հակոբյանը։ Նրանք ԱԱԾ են հրավիրվել ՀՅԴ կուսակցության «Սիմոն Վրացյան» կենտրոնից, որտեղ համատեղ ասուլիս պետք է տային։ Այս մասին ՀՅԴ-ի գրասենյակում հայտարարեց նախկին պատգամավոր Լիլիթ Գալստյանը։ 

Մինչ այդ էլ ԱԱԾ էին հրավիրվել, ապա ձերբակալվել ԲՀԿ նախագահ Գագիկ Ծառուկյանը, «Հայրենիք» կուսակցության նախագահ Արթուր Վանեցյանը, կուսակցության փոխնախագահ Արա Սահակյանը, ՀՅԴ ԳՄ անդամ Իշխան Սաղաթելյանը, ՀՅԴ անդամ Գեղամ Մանուկյանը և այլք։