Բաց նամակ ՀՀ վարչապետ Նիկոլ Փաշինյանին
Այսօր մի հրաշալի ու քաջ երիտասարդի հանձնեցինք մայր հողին, ով անմահացել էր հրադադարից ընդամենը 2 ժամ առաջ։ Զինվորի հայրը` անասելի վիշտն ու կսկիծը սրտում ասաց. թող իմ որդին վերջին զոհը լինի մեր հայրենիքի համար մղվող պայքարում։ Տեսնել էր պետք, թե ինչպես էին զոհվածի հարազատները ողբում ու լալիս։ Դուք ծնող եք, լավ եք հասկանում։ Ներկաները միմյանց ասում էին. որ փող ունեայինք` զենք կգնեինք ու այսպիսի ողբերգություններ չէինք ունենա։
Պարոն վարչապետ, առաջարկում եմ ինձ ընդունել կամ կապ ստեղծել համացանցով, և ես իմ մասնագիտական ոլորտում Ձեզ ցույց կտամ, թե որտեղից փող ունենաք ու զենք գնեք, որպեսզի հայ ծնողների աչքերին այսուհետ արցունքներ չլինեն կամ գոնե շատ քիչ լինեն։ Այսքան կարճ նամակի վերջում ավելացնեմ, որ մասնագետների հետ Ձեր անմիջական շփումը հնարավորություն կտա զենքեր գնել, որպեսզի Շուշին, Հադրութը, դեռ մի բան էլ ավելին, նորից ետ վերցնենք։ Ինձ գտնելը դժվար չէ, պետք է որ Դուք ինձ մոռացած չլինեք, ավելին` ինձ լավ եք ճանաչում։
Հարգանքով` Աբգար Գյուլումյան
Մեկնաբանել
Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (1)
Մեկնաբանել