Երեւանի քաղաքապետարանի ֆեյսբուք էջը տեղեկացնում է, որ Արցախի Հանրապետության նախագահ Արայիկ Հարությունյանի և Երևանի քաղաքապետ Հայկ Մարությանի պայմանավորվածության համաձայն այսօր վաղ առավոտյան Երևանի քաղաքապետարանի հարակից տարածքից ԱՀ մայրաքաղաք Ստեփանակերտ է ուղևորվել 11 ավտոբուս, որոնք Արցախ են տեղափոխել պատերազմի օրերին Երևանում կամ մարզերում ապաստանած քաղաքացիներին: Գրառման մեջ նշվում է, որ հետագա փոխադրումների հետ կապված Երևանում գործող Արցախի հանրապետության օպերատիվ շտաբը հանդես կգա լրացուցիչ հայտարարությամբ։