Ռուսաստանը Լեռնային Ղարաբաղ է ուղարկել ինժեներա-սակրավորային ստորաբաժանում
Ռուսաստանի օդատիեզերական ուժերի ԻԼ-76 ինքնաթիռները Ուլյանովսկ Վոստոչնի օդակայանից Լեռնային Ղարաբաղ են տեղափոխել Կենտրոնական զինվորական օկրուգի խաղաղապահ բրիգադի ինժեներա-սակրավորային ստորաբաժանման զինծառայողներին, հատուկ տեխնիկան և սարքավորումները։ Այդ մասին հայտնել է Ռուսաստանի պաշտպանության նախարարությունը։
«Ռուսաստանի օդատիեզերական ուժերի ռազմատրանսպորտային ավիացիայի ԻԼ-76 ինքնաթիռները Ուլյանովսկ Վոստոչնի օդակայանից Հայաստան են տեղափոխել Կենտրոնական զինվորական օկրուգի խաղաղապահ բրիգադի ինժեներա-սակրավորային ստորաբաժանման զինծառայողների, հատուկ տեխնիկա և սարքավորումներ, որոնք ռուսական խաղաղապահ առաքելության շրջանակներում կուղարկվեն Լեռնային Ղարաբաղ»,- նշվում է ռազմական գերատեսչության տարածած հաղորդագրության մեջ։
Հաղորդագրության մեջ նաև նշվում է, որ սակրավորները կիրականացնեն ինժեներական հետախուզության, տեղանքի, ճանապարհների և օբյեկտների ականազերծման խնդիրներ։ Բացի այդ, նրանք կապահովեն փոխադրման և տարհանման ուղիների նախապատրաստումն ու պահպանումը, ջրի մաքրումը և ինժեներական ապահովման այլ խնդիրների կատարումը: Պայթյունավտանգ առարկաների որոնման և հայտնաբերման համար գործի կդրվեն ծառայողական շներ:
Լուսանկարը՝ ՌԴ Պաշտպանության նախարարության
Մեկնաբանել