Աշխարհում գրեթե յուրաքանչյուր հինգերորդ երեխան մեծանում է զինված հակամարտությունների պայմաններում։ Այդ մասին նշվում է Save the Children բարեգործական կազմակերպության պատրաստած «Պատերազմն ընդդեմ երեխաների» զեկույցում, որը հրապարակվել է ուրբաթ օրը՝ նոյեմբերի 20-ին։ Զեկույցից պարզ է դառնում, որ ընդհանուր առմամբ 2019 թվականին զինված հակամարտությունների գոտում բնակվելիս է եղել 426 միլիոն երեխա։ Մեկ տարվա ընթացքում այս ցուցանիշն աճել է 11 միլիոնով և հասել բացարձակ ռեկորդի։

No child should have to live through war. And yet, in the last 10 years, an average of 25 children have been killed or injured every day.

Read the stories of children whose lives have been devastated by war: https://t.co/Jy4sYXnF10 #StoptheWaronChildren #WorldChildrensDay pic.twitter.com/Heemrqcf4F

— Save the Children International (@save_children) November 20, 2020

Save the Children բարեգործական կազմակերպության պատրաստած «Պատերազմն ընդդեմ երեխաների» զեկույցում նաև նշվում է, որ 2010 թվականից սկսած աշխարհում սպանվել կամ խեղվել է ավելի քան 93 հազար երեխա։ Միայն նախորդ տարի գրանցված դեպքերի թիվը հասել է 10 300-ի։ Երեխաների նկատմամբ հանցագործությունների թվին ՄԱԿ-ը դասում է նաև զինված խմբավորումներին ներգրավելը և սեռական բռնությունը։

2019 թվականին երեխաների համար ամենավտանգավոր երկրների շարքում դասվել են Աֆղանստանը, Կոնգոյի Դեմոկրատական Հանրապետությունը, Իրաքը, Եմենը, Մալին, Նիգերիան, Սիրիան, Սոմալին, Սուդանը, Հարավային Սուդանը և Կենտրոնաաֆրիկյան Հանրապետությունը։ 

Կորոնավիրուսի համավարակը միայն վատացրել է իրավիճակը, քանի որ մեծանում է աղքատությունը, առողջապահական համակարգը գերծանրաբեռնված է։ Կազմակերպությունը կոչ է արել միջազգային հանրությանը կանգնեցնել երեխաների նկատմամբ պատերազմը։ Կազմակերպության ամենամյա զեկույցը հրապարակվում է Երեխաների միջազգային օրը՝ նոյեմբերի 20-ին, որը սահմանվել է ՄԱԿ-ի Գլխավոր ասամբլեայի կողմից։

Լուսանկարում սիրիացի երեխաների Հալեպի նահանգում, Bakr Alkasem/AFP