Երևանի ավագանին այսօր կայացած նիստում միաձայն որոշմամբ բյուջեից 100 միլիոն դրամ հատկացրեց Ստեփանակերտին։ Այս մասին տեղեկացնում է քաղաքապետարանի տեղեկատվության եւ հասարակայնության հետ կապի բաժինը։

«2020թ. բյուջեով ամանորյա տոնակատարությունների, քաղաքի արտաքին ձևւավորման և այլ տոնական միջոցառումների իրականացման համար նախատեսված 100 մլն դրամ գումարը վերաբաշխվեց և կուղղվի Արցախի Հանրապետության մայրաքաղաք Ստեփանակերտի՝ թիրախավորման հետևանքով վնասված քաղաքացիական ենթակառուցվածքների և օբյեկտների վերականգնողական հիմնարար աշխատանքների իրականացմանը։ Երևանը շարունակում է օգնել Ստեփանակերտին՝ շուտափույթ վերականգնման գործում։ Հիշեցնենք, որ հոկտեմբերի 6-ին գումարված արտահերթ նիստում ևս որոշում կայացվեց համայնքի 2020թ. բյուջեի վարչական մասի պահուստային ֆոնդից 100 մլն դրամ հատկացնել Ստեփանակերտին՝ նախատեսվող հիմնարար բնույթի աշխատանքների իրականացման համար», - նշված է հաղորդագրության մեջ: