Մոտ 1,5 ժամ առաջ «Հետքը» նախկին վարչապետ Հրանտ Բագրատյանի էլեկտրոնային հասցեից նամակ էր ստացել՝ վերնագրված «Ո՞վ է իրական մեղավորը, կամ բաց նամակ 4»: Քանի որ մինչ այդ նույն էլեկտրոնային հասցեից «Հետքը» նախկինում Բագրատյանից ստացել էր այլ նամակներ, մենք հիշյալ բաց նամակը հրապարակեցինք:

Սակայն քիչ առաջ Հրատ Բագրատյանը «Հետքին» ասաց, որ «Նամակ 4» դեռ չի գրել եւ կատարվածը կազմակերպված սադրանք է. «Մնում է, որ իշխանությունները պարզեն՝ ով է արել, եթե իրենք չեն»:

«Իմ էլեկտրոնային հասցեից նման նամակ ուղարկված չէ, ինչը հեշտությամբ կարելի է փաստել: Այսինքն՝ տվյալ դեպքում, կարծում եմ՝ ինչ-որ հաքեր իմ «մեյլից» ուղարկել է: Իմ «մեյլի» մեջ նման բան չույց չի տալիս»,- ասում է Հրանտ Բագրատյանը: