HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Նախատեսվում է կադաստրային գործերի համար նոր արխիվային շենք հատկացնել

Կադաստրի կոմիտեն նախատեսում է կադաստրային գործերի (արխիվի) համար նոր ստորաբաժանման արխիվային շենք կառուցել։

Նման որոշման նախագիծ է հանրային քննարկման ներկայացվել իրավական ակտերի նախագծերի հրապարակման միասնական կայքում։ 

Շենքը կկառուցվի Վանաձորում։ Տարածքը կհատկացվի «Վանաձորի բժշկական կենտրոն» փակ բաժնետիրական ընկերությունից առանձնացված հիվանդանոցային համալիրից։

Ինչպես նախագծում նշել է Կադաստրի կոմիտեն՝ այժմ կադաստրային (արխիվային) գործերը պահվում են Կոմիտեի 4 տարածքային ստորաբաժանումներում:

Կառավարությունը 2019 թվականին կադաստրի կոմիտեին ամրացրել է Վանաձոր քաղաքի  հիվանդանոցային համալիրից 2,153 քառ. մետր ընդհանուր մակերեսով մանկագինեկոլոգիական մասնաշենքը և 0.33 հեկտար հողամասը: Սակայն հատկացված տարածքը բավարար չի եղել, իսկ շինության տարածքն ընդլայնելու նպատակով շինարարություն իրականացնելը ծախսատար է՝ ժամանակային և նյութական առումով։

«Հետևաբար կառավարության միջոցառումների 5-ամյա ծրագրով նախատեսված կադաստրային գործերի (արխիվի) համար նոր ստորաբաժանման ամբողջական արխիվային շենքի կառուցման և շահագործման միջոցառման իրականացման համար նպատակարմար է պետության սեփականությունը հանդիսացող և փաստացի, ըստ էության, չշահագործվող շինություններն ամրացնել Կադաստրի կոմիտեին»,-նախագծում նշել է կադաստրի կոմիտեն։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter