Գարեգին Բ-ն ընդունել և օրհնել է Դադիվանքում սպասավորող միաբաններին
Մայր Աթոռ Սուրբ Էջմիածնի տեղեկատվական համակարգի տնօրեն Վահրամ քահանա Մելիքյանը ֆեյսբուք իր էջում տեղեկացնում է, որ նոյեմբերի 30-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունել և իր հայրական օրհնությունն է բաշխել Դադիվանքում դժվարին այս օրերին իրենց հոգևոր ծառայությունը բերող Մայր Աթոռի միաբաններին։
Նորին Սրբությունն իր գնահատանքն է փոխանցել եկեղեցականներին՝ կարևորելով նրանց նվիրյալ հանձնառությունը։
Վեհափառ Հայրապետը նաև գոհունակությամբ անդրադարձել է ռուս խաղաղապահների առաքելությանը, որի շնորհիվ ապահովվել է վանքի անվտանգությունը և բնականոն գործունեությունը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել