Արցախի տարածքում միջշրջանային ավտոճանապարհները հիմնականում անցանելի են։ Այս մասին հաղորդում է Արցախի արտակարգ իրավիճակների պետական ծառայությունը։

Երևան-Ստեփանակերտ միջպետական ավտոճանապարհի Գորիս քաղաքի հատվածում մառախուղի պատճառով տեսանելիությունը ցածր է։ Սյունիքի մարզում և Բերդաձորի ենթաշրջանում տեղում է ձյուն։

Գորիս-Բերձոր-Շուշի ավտոճանապարհի Լիսագոր հատվածում առկա է մերկասառույց։

Վարորդներին խորհուրդ է տրվում երթևեկել բացառապես ձմեռային անվադողերով։