«Հայաստան» համահայկական հիմնադրամը «Մենք ենք, մեր սահմանները» դրամահավաքի շրջանակում հանգանակված գումարներից Զինծառայողների ապահովագրության հիմնադրամին կփոխանցի 1մլն 100 հազար ԱՄՆ դոլար գումար: Այս մասին հաղորդում է համահայկական հիմնադրամի մամուլի ծառայությունը։

Այս գումարից 932 հազար դոլարը հանգանակել և հիմնադրամին է տրամադրել OneArmenia կազմակերպությունը, իսկ 100 հազարը հիմնադրամի Մոնրեալի տեղական մարմինը, մնացած գումարը՝ 68 հազար ԱՄՆ դոլար, փոխանցումներ են անհատ նվիրատուների կողմից: 

«Բոլոր դեպքերում նվիրատուների հետ նախապես պայմանավորվածություն է եղել, կամ փոխանցման նպատակը դաշտում նշված է եղել խնդրանք՝ գումարը փոխանցել Զինծառայողների ապահովագրության հիմնադրամ, ինչը և իրականացվել է»,- տեղեկացնում է համահայկական հիմնադրամը: