![](/static/articles/12/52/09/l-JdHdxbRUvz.jpg)
Մյունխենի անվտանգության համաժողովը անորոշ ժամկետով հետաձգվել է
Մյունխենի անվտանգության համաժողովը, որը պետք է կայանար 2021 թվականի փետրվարի 19-21-ը, կորոնավիրուսի համավարակի պատճառով հետաձգվել է։ Այդ մասին հայտարարել է Մյունխենի անվտանգության համաժողովի ղեկավար Վոլֆգանգ Իշինգերը։
«Շարունակվող համավարակը մեզ թույլ չի տալիս անցկացնել համաժողովը, որը նախատեսվում էր 2021 թվականի փետրվարի 19-21-ը։ Մենք կշարունակենք աշխատանքը մեր գործընկերների հետ, որպեսզի օպերատիվ կերպով որոշենք Մյունխենի անվտանգության համաժողով-2021-ի ժամկետները»,- հավելել է Իշինգերը։
Նրա խոսքերով՝ նոր ժամկետները կհայտարարվեն Գերմանիայի իրավասու մարմինների հետ համաձայնեցնելուց հետո։
Մյունխենի անվտանգության համաժողովն ավանդաբար անցկացվում է փետրվար ամսին գերմանական Մյունխեն քաղաքում։ Համաժողովը հավաքում է աշխարհի առաջնորդներին, քաղաքական գործիչներին և փորձագետներին՝ քննարկելու միջազգային քաղաքականության օրակարգային հարցերը։
Լուսանկարը՝ Մյունխենի անվտանգության համաժողովի պաշտոնական կայք էջի
Մեկնաբանել