Տեսանյութեր
Լուսանկարներ
Կտեղադրվի հայ մեծանուն բարերար Մանթաշյանցի արձանը
Առաջիկայում մայրաքաղաքի կենտրոնում՝ Սբ. Կաթողիկե և Սբ. Աննա եկեղեցիների հարևանությամբ, Աբովյան փողոցի գողտրիկ մի հատվածում կտեղադրվի հայ մեծանուն բարերար Ալեքսանդր Մանթաշյանցի արձանը: Հուշարձանի հեղինակը ՀՀ վաստակավոր քանդակագործ Տիգրան Արզումանյանն է:
Մայրաքաղաքի կենտրոնում Մանթաշովի արձանը տեղադրելու մասին Երևանի քաղաքապետի որոշումը դեռևս 2011 թ. հունիսի 20-ին էր կայացվել: Որոշման համար հիմք էր հանդիսացել Երևանի քաղաքապետարանի գեղարվեստի խորհրդի նիստի արձանագրության դրական եզրակացությունը:
«Արդեն իսկ Աբովյան փողոցում սկսել են տարածքի նախապատրաստման և բարերարի արձանի տեղադրման հետ կապված աշխատանքները»,- հաղորդում է քաղաքապետարանի տեղեկատվության և հասարակայնության հետ կապերի վարչությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել