Պաշտպանության նախարարությունը նախատեսում է պահեստազորի սպայական կազմի բժիշկ-մասնագետների պարտադիր զինվորական ծառայության 2020 թվականի զորակոչ հայտարարել։

Նման որոշման նախագիծ է հրապարակվել իրավական ակտերի նախագծերի հրապարակման միասնական կայքում։

Ըստ որոշման նախագծի՝ դեկտեմբերի 20-ից մինչև 2021 թվականի հունվարի 20-ը կհայտարարվի զինված ուժերի պահեստազորի սպայական կազմում հաշվառված մինչև 35 տարեկան արական սեռի բժիշկ-մասնագետների պարտադիր զինվորական ծառայության զորակոչ։ 

Պահեստազորի սպայական կազմի զորակոչի ենթակա անձանց թվաքանակը լինելու է մինչև 70 բժիշկ-մասնագետ:

Իսկ պահեստազորի սպայական կազմի զորակոչի շրջանակներում մինչև դեկտեմբերի 31-ը կզորացրվեն պահեստազորի սպայական կազմի պարտադիր զինվորական ծա­ռա­յու­թյուն անցած զինծառայողները։