HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տաթև Խաչատրյան

ՌԴ ԱԻՆ 80 տոննա մարդասիրական օգնություն է տարել Արցախ

Ռուսաստանի արտակարգ իրավիճակների նախարարության ավտոշարասյունը մարդասիրական օգնության նոր խմբաքանակ է տարել Արցախ։ Այս մասին հայտնում է Ռուսաստանի ԱԻ նախարարությունը։

Օգնությունը եկել է 15 բեռնատարով և տարվել Ստեփանակերտի, Մարտունու, Մարտակերտի և Ասկերանի բաշխման կետեր: Ընդհանուր առմամբ՝ բեռնատարներում եղել է 80 տոննա բեռ՝ տուժած բնակչությանն անհրաժեշտ օգնություն տրամադրելու համար, մասնավորապես՝ էլեկտրակայաններ, շինանյութեր, հակահրդեհային բաքեր և կենցաղային իրեր:

Դրանք հետագայում բաշխվելու են այդ բնակավայրերի բնակիչներինվնասված տները վերականգնելու համար:

«Ընդհանուր առմամբ, մոտ ժամանակներս երկաթուղով տարածաշրջան կժամանի 54 վագոն՝ մոտ 1200 տոննա ընդհանուր քաշով: Բեռներից են ՝ շինանյութեր, էլեկտրակայաններ, հակահրդեհային բաքեր և կենցաղային իրեր: Այն ամենը, ինչ այժմ այդքան անհրաժեշտ է տուժած բնակիչների համար»,- հայտնել են ՌԴ արտակարգ իրավիճակների նախարարությունից։

 

Լուսանկարը՝ mchs.gov.ru-ի

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter