![](/static/articles/12/55/79/l-cu7NNmuJ4Z.jpg)
ԱՊՀ պետությունների ղեկավարների հաջորդ գագաթնաժողովը տեղի կունենա Մինսկում
ԱՊՀ պետությունների ղեկավարների հերթական գագաթնաժողովը կկայանա 2021 թվականի հոկտեմբերի 15-ին, Մինսկում։ Այդ մասին ուրբաթ՝ դեկտեմբերի 18-ին, հայտարարել է Համագործակցության գործադիր քարտուղար Սերգեյ Լեբեդևը։
Բելառուսի նախագահ Ալեքսանդր Լուկաշենկոն հայտարարել է, որ բարձր է գնահատում 2021 թվականին Համագործակցության նախագահությունը Մինսկին փոխանցելը և պատրաստակամություն հայտնել հաջորդ տարի գործընկերներին հրավիրել Բելովեժյան թավուտ, որտեղ 1991 թվականի դեկտեմբերին ստորագրվել է Անկախ պետությունների համագործակցության ստեղծման պայմանագիրը, ինչը նշանակում էր ԽՍՀՄ գոյության դադարեցում։
ԱՊՀ պետությունների ղեկավարների առցանց գագաթնաժողովի ժամանակ Տաջիկստանի նախագահ Էմոմալի Ռահմոնն էլ առաջարկել է ստեղծել ահաբեկչական կազմակերպությունների միասնական ցուցակ, որոնք արգելված կլինեն ԱՊՀ անդամ երկրների տարածքում:
«Արդիական եմ համարում ԱՊՀ շրջանակներում ահաբեկչական և ծայրահեղական կազմակերպությունների միասնական ցուցակի ստեղծումը, որոնք արգելված կլինեն ԱՊՀ անդամ երկրների տարածքում»,- հայտարարել է Ռահմոնը։ Տաջիկստանի նախագահն ԱՊՀ Հակաահաբեկչական կենտրոնինառաջարկել է մասնագիտացված խորհուրդների հետ միասին սկսել այդպիսի ցուցակի ձևավորման աշխատանքները։
Լուսանկարը՝ գագաթնաժողովի առցանց հեռարձակումից
Մեկնաբանել