Վարչապետ Նիկոլ փաշինյանը չի այցելի Գորիսի, Կապան, Քաջարան, Մեղրի քաղաքներ: Այս մասին նա գրառում է կատարել ֆեյսբուք իր էջում: 

«Հիմա համոզվեցի, որ ճանապարհը փակել են, որ ակնհայտ չդառնա, որ Գորիսում, Կապանում, Քաջարանում, Մեղրիում նույն մթնոլորտն է, ինչ Սիսիանում։

Առավել եւս սգի օրով ուժային գործողությունների չենք գնա։ Վերադառնում ենք Երեւան։ Գորիսին, Կապանին, Քաջարանին, Մեղրիին պարտք եմ մնում մեկ այցելություն։ Խաղաղություն մեր նահատակներին»,- գրել է Նիկոլ Փաշինյանը։

Հիշեցնենք, որ վարչապետը պլանավորել էր լինել վերոնշյալ քաղաքներում, բայց այսօր առավոտից սյունեցիները բողոքի ակցիաներ են կազմակերպել բոլոր քաղաքներում՝ թույլ չտալով վարչապետի մուտքը իրենց քաղաք: