Տեսանյութեր
Լուսանկարներ
Ապրիլի 13-ից փոխվում Է ԱՄՆ մուտքի արտոնագրերի միջնորդավճարի չափը
Երկու շաբաթից՝ ապրիլի 13-ից, ԱՄՆ պետքարտուղարությունը կփոփոխի արտոնագրերի միջնորդավճարի չափը: Ոչ ներգաղթային արտոնագրերի և սահմանահատման քարտերի համար նախատեսված միջնորդավճարները կբարձրանան, մինչդեռ բոլոր տեսակի ներգաղթային արտոնագրերի համար նախատեսված միջնորդավճարները կնվազեցվեն:
Պետքարտուղարությունը հնարավորության սահմաններում պետք է կարողանա միջնորդավճարների հավաքագրման միջոցով վերականգնել արտոնագրերի ձևակերպման համար ծախսված միջոցները: Ներկա պահին գանձվող միջնորդավճարները բազմաթիվ պատճառներով չեն ծածկում արտոնագրերի ձևակերպման համար ծախսված միջոցները: Ոչ ներգաղթային արտոնագրերի միջնորդավճարների ավելացումը կնպաստի ծառայությունների ավելացմանն ու ընդլայնմանն արտասահմանում, ինչպես նաև, անհրաժեշտության դեպքում, աշխատողների թվի ավելացմանը` արտոնագրերի աճող պահանջարկը բավարարելու համար:
Չնայած հիմնականում ներգաղթային արտոնագրերի համար նախատեսված միջնորդավճարների ավելացմանը` E տեսակի արտոնագրերի (պայմանագրային հիմունքներով ներդրողների և առևտրով զբաղվողների համար) և K (ԱՄՆ քաղաքացիների հարսնացուների/փեսացուների համար) տեսակի արտոնագրերի միջնորդավճարները կնվազեցվեն:
Ոչ ներգաղթային արտոնագրերի համար գանձվող միջնորդավճարներ
|
Արտոնագրի տեսակ |
նախկին սակագին |
նոր սակագին |
|
Զբոսաշրջության, բիզնես, տրանզիտ, անձնակազմի անդամի, ուսանողական, փոխանակման ծրագրի այցելուի, և լրագրողների համար նախատեսված արտոնագրեր |
$140 |
$160 |
|
Միջնորդագրի վրա հիմնված արտոնագրեր (H, L, O, P, Q, և R) |
$150 |
$190 |
|
Պայմանագրային հիմունքներով ներդրողների և առևտրով զբաղվողների համար նախատեսված արտոնագրեր (E) |
$390 |
$270 |
|
Հարսնացուների/փեսացուների համար նախատեսված արտոնագրեր (K) |
$350 |
$240 |
|
Սահմանահատման քարտեր (15 տարեկան և բարձր) |
$140 |
$160 |
|
Սահմանահատման քարտեր (15 տարեկանից ցածր) |
$14 |
$15 |
Ոչ ներգաղթային արտոնագրերի միջնորդավճարների փոփոխության հետևանքով բոլոր տեսակի ներգաղթային արտոնագրերի միջնորդավճարների չափը նվազեցվում է:
Ներգաղթային արտոնագրերի համար գանձվող միջնորդավճարներ
|
Արտոնագրի տեսակ |
միջնորդավճարի նախկին չափը |
միջնորդավճարի նոր չափը |
|
Ընտանիքի անմիջական և ոչ անմիջական անդամների համար դիմումներ |
$330 |
$230 |
|
Աշխատանքային միջնորդագրերի հիման վրա դիմումներ |
$720 |
$405 |
|
Այլ ներգաղթային արտոնագրերի դիմումներ |
$305 |
$220 |
|
Բազմազանության վիճակախաղի արտոնագրերի դիմումներ |
$440 |
$330 |
|
Վերադարձող մշտական բնակչի կարգավիճակի ճշտում |
$380 |
$275 |
Ինչպես հայտնում են Հայաստանում ԱՄՆ դեսպանատան մամուլի ծառայությունից, նշված սակագները ուժի մեջ կմտնեն 15 օրից: Միջնորդավճարների վերաբերյալ տեղեկություններ կարող եք ստանալ` այցելելով հյուպատոսական հարցերով գրասենյակի և ԱՄՆ դեսպանությունների և հյուպատոսարանների կայքէջերը:
Մեկնաբանություններ (1)
Մեկնաբանել