Հայաստանի կառավարությունը միանվագ դրամական աջակցություն կտրամադրի Արցախի նախադպրոցական տարիքի երեխաներին՝ յուրաքանչյուրին 20 000 դրամի չափով։ Որոշումն ընդունվեց գործադիրի դեկտեմբերի 24-ի նիստում:

Միջոցառման շահառու է հանդիսանում 2015 թվականի հունվարի 1-ին կամ դրանից հետո ծնված՝ 2020 թվականի դեկտեմբերի 23-ի դրությամբ Արցախում հաշվառված երեխան:

Նպատակը Ամանորի կապակցությամբ սոցիալական աջակցության տրամադրումն է:

«Աջակցությունը նախատեսվում է տրամադրել մինչ Ամանոր՝ հաջորդ շաբաթվա ընթացքում»,- հայտնեց Աշխատանքի և սոցիալական հարցերի նախարար Մեսրոպ Առաքելյանը: