![](/static/articles/12/57/86/l-4v3iJO8rXV.jpg)
ՌԴ ԱԻՆ-ը մարդասիրական օգնությունն ամբողջ ծավալով հասցրել է Արցախ
ՌԴ ԱԻՆ-ը ողջ ծավալով հասցրել է Արցախի բնակչության համար նախատեսված հումանիտար օգնությունը։ Այդ մասին նշվում է ռուսական գերատեսչության տարածած հաղորդագրության մեջ։
«Դեկտեմբերի 23-ին Լեռնային Ղարաբաղ է ժամանել մարդասիրական բեռով երկաթուղային վագոնների հերթական խմբաքանակը: Ինը վագոններով առաքվել է 127 տոննա մետաղական պրոֆիլ, 10 000 խորանարդ մետր ապակի, 2200 կենցաղային պարագաներ, 400 հավաքովի ջերմակայուն վառարան»,- նշվում է հաղորդագրության մեջ։
Ռուսական գերատեսչության հաղորդագրության մեջ նաև նշվում է, որ ՌԴ ԱԻՆ մասնագետները բեռնաթափել և Արցախի շրջանների բաշխիչ կետեր են ուղարկել մարդասիրական օգնությունը։ Ընդհանուր առմամբ, դեկտեմբերի 11-ից 23-ը Արցախ է հասցվել 54 վագոն հումանիտար օգնություն՝ ընդհանուր մոտ 1200 տոննա զանգվածով։
Լուսանկարը՝ Sputnik / Рагим Мамедов
Մեկնաբանել