Զինծառայողների ապահովագրության հիմնադրամի՝ այսօր տեղի ունեցած հերթական նիստում որոշվել է հատուցում կատարել ևս 159 զոհված զինծառայողների ընտանիքների։ Այդպիսով, հիմնադրամի շահառու ընտանիքների ընդհանուր թիվը դարձել է 1154, իսկ վերջին պատերազմի զոհերինը` 742:

Հիմնադրամի տնօրեն Վարուժան Ավետիքյանը որպես հատկանշական իրադարձություն առանձնացրել է երկու դրվագ.

1. Այսօր առաջին անգամ հատուցումների որոշումներ կայացրեցինք զոհված 18 ԱԱԾ ծառայողների ընտանիքների համար:
2. Կրկնակի հատուցման որոշում կայացրեցինք մի ընտանիքի համար, որը կորցրել է իր երկու զավակներին:

«Մեր բոլոր ջանքերը ներդնելու ենք, որ մինչև տարվա վերջ մեր 742 ընտանիքների բոլոր շահառուների համար բացենք բանկային հաշիվներ ու փոխանցենք համապատասխան գումարները: Ամսի 31-ին կհրապարակենք 2020 թվականի մեր միջանկյալ հաշվետվությունն ու ավելի մանրամասն կներկայացնենք կատարվածը աշխատանքներն ու առաջիկա անելիքները»,- նշել է Վարուժան Ավետիքյանը:

Լուսանկարում՝ Վարուժան Ավետիքյանը