ՀՀ ոստիկանապետ պարոն Վլադիմիր Գասպարյանին

Հարգելի պարոն Գասպարյան,

Մաշտոցի պուրակում ինքնակամ կառուցված շինությունների դեմ երիտասարդության պայքարը գնալով ավելի է կարևորվում մեր հանրության կողմից: Պետական իշխանության մարմինների անզորությունը վերացնել ստեղծված անօրինական դրությունը առաջացնում է Երևանի համայնքի բազմաթիվ անդամների արդար և ողջամիտ դժգոհությունը:

Տեղեկացնում ենք Ձեզ, որ ս/թ մարտի 31-ին՝ ժամը 13:00-ից Մաշտոցի պուրակում անօրինական կառուցված տաղավարների ապամոնտաժման աշխատանքներ կատարելու մտադրություն ունեցող անձանց ապրիլի 1-ին միանում են հետեւյալ քաղաքացիները.

 1.Մինասյան Սեյրան, անձնագիր` АК 0300517

 2. Վարդումյան Հովիկ, անձնագիր` AM 0425115

 3. Վարդանյան Արտավազդ, անձնագիր` AE 0222034

 4. Եղիազարյան Օշին

 5. Դոխոլյան Արթուր, անձնագիր`AB 0440733

 6. Բաղդասարյան Էդգար, անձնագիր` АК 0311835

 7. Կարապետյան Արայիկ, անձնագիր` AM 0532567

 8. Եղնուկյան Կարո, անձնագիր` AK 0330222

Ապամոնտաժման աշխատանքներն իրականացնելու համար օգտագործվելու են հետևյալ գործիքները.

1. էլեկտրական սրիչ (բոլգարկա) RTR Rother N. S.N. ELS 101-0192-0732  – 1 (մեկ) հատ,

2. պտուտակահան STAREX  – 12 (տասներկու) հատ,

 3. հարթաշուրթ KLY-TEK 160mm     - 5 (հինգ) հատ,

 4. ճոպան կտրող գործիք STAREX  –  2 (երկու) հատ,

 5. դուր ORIENT – 2 (երկու) հատ,

 6. ապակի բրնող գործիք SUCTIONCUP – 4 (չորս) հատ

 7. անլար պտտուկահան ELK 418 RTR ROTHER – 1(մեկ )հատ

Ապոմոնտաժումը նախատեսված է իրականացնել  կազմակերպված եղանակով, առանց հասարակական կարգը խախտելու, մասնագիտական մեթոդներով և գործիքներով, առանց սեփականատիրոջ գույքին վնաս պատճառելու։ Հաշվի առնելով, որ ոստիկանությունը ներկա դրությամբ իրականացնում է Մաշտոցի պուրակում տաղավարների պահպանությունը.

Պ Ա Հ Ա Ն Ջ ՈՒ Մ    Ե Ն Ք

1. Ապահովել վերը նշված ՀՀ քաղաքացիների ազատ մոտեցումը տաղավարներին` դրանց ապամոնտաժման աշխատանքները կատարելու համար:

2. Ապամոնտաժման աշխատանքների ժամանակ ապահովել հասարակական կարգի պահպանությունը և աշխատանքներ իրականացնող անձանց անվտանգությունը: 

Մաշտոցի պուրակում ինքնակամ շինությունների ապամոտաժման նախաձեռնող խումբ

1.04.12 թ.

Տեսանյութերը՝ Ժաննա Սարգսյանի