Հունվարի 12-ին՝ ժամը 10:45-ի սահմաններում, «Արմավիր» քրեակատարողական հիմնարկի ծառայողները չնախատեսված խուզարկություն են իրականացրել կալանավորված անձանց համար նախատեսված խցերից մեկում: Խուզարկության արդյունքում զգեստապահարանի ետնամասից՝ պատի մեջ փորված, 15x15x7սմ չափերով թաքստոցից, հայտնաբերվել են մարիխուանա տեսակի թմրամիջոցին նմանվող, խոշոր չափի՝ 14.31 գրամ քաշով, դեղնականաչավուն զանգված, ինչպես նաև 5 բջջային հեռախոս, 1 wi-fi սարք, 2 ականջակալ և  բջջային հեռախոսի 5 լիցքավորիչ: Այս մասին հաղորդում է Արդարադատության նախարարության քրեակատարողական ծառայությունը։

Փաստի առթիվ նախապատրաստվում են նյութեր: Նշանակվել է դատաբժշկական փորձաքննություն: