Փոխնախարար Արմեն Փամբուխչյանը հանդիպել է Ֆրանսիայի դեսպանության ներքին անվտանգության կցորդ Էրվե Ժամենին
Արտակարգ իրավիճակների նախարարի առաջին տեղակալ Արմեն Փամբուխչյանն այսօր հանդիպել է ՀՀ-ում Ֆրանսիայի դեսպանության ներքին անվտանգության կցորդ Էրվե Ժամենին, ով ճանաչողական այցով առաջին անգամ այցելել է Հայաստան:
ԱԻՆ հաղորդագորւթյան համաձայն՝ երկուստեք մեծ գոհունակությամբ խոսելով հայ-ֆրանսիական հարաբերությունների շարունակականության մասին՝ ընդգծել են ներկա իրավիճակում նոր ծրագրերի մշակման կարևորությունը:
Քննարկվել են ականազերծման, անտառային հրդեհների դեմ պայքարի, բնակչության պաշտպանության և աղետների ռիսկի կառավարման, հոգեբանական աջակցության և աղետների բժշկության ոլորտներում համագործակցության ընդլայնման հարցեր:
Փոխնախարար Փամբուխչյանն ուշադրություն է հրավիրել նաև տարբեր բնական աղետների և տեխնածին վտանգների օջախների մոնիթորինգի համար անօդաչու թռչող սարքերի կիրառման, GPS համակարգով արբանյակային երկրադինամիկական հետազոտությունների անհրաժեշտության վրա:
Պարոն Ժամենը պատրաստակամություն է հայտնել աշխատանք տանել բարձրձայնած խնդիրների շուրջ ստույգ ծրագրերի մշակման, դրանց իրականացման համար ֆինանսավորման աղբյուրների բացահայտման ուղղությամբ:
Մեկնաբանել