ՀՏՖ զեկույց. կորոնավիրուսի համավարակը կարող է հնգամյա սպառնալիք դառնալ համաշխարհային տնտեսության համար
Կորոնավիրուսի համավարակի հետևանքները առաջիկա 3-5 տարում կարող է հարվածի տակ դնել համաշխարհային տնտեսության զարգացումը։ Այդ մասին նշվում է Համաշխարհային տնտեսական ֆորումի Global Risks Report 2021 զեկույցում, որը հրապարակվել է երեքշաբթի՝ հունվարի 19-ին։ Զեկույցի համաձայն՝ համավարակի արդյունքում կարող է սրվել սոցիալական անհավասարությունը, իսկ առաջիկա 5-10 տարում կարող է թուլանալ աշխարհաքաղաքական կայունությունը։
Ըստ Համաշխարհային տնտեսական ֆորումի փորձագետների՝ մասնավոր հատվածի և սոցիալական տարբեր խմբերի ներկայացուցիչները, որոնք մասնակցել են իրականացված հարցումներին, ակնկալում են, որ առաջիկա 3-5 տարիների ընթացքում համավարակը կհանգեցնի այնպիսի խնդիրների, ինչպիսիք են գների փոփոխությունը, պարտքային ճգնաժամը և IT ենթակառուցվածքների փլուզումը։
Զեկույցում նաև նշվում է, որ չնայած հակակորոնավիրուսային պատվաստումների մեկնարկին` համավարակը դեռ երկար ազդեցություն կունենա հանրային կյանքի և տնտեսության վրա։ Օրինակ` նման իրավիճակում փոխվում են ընկերությունների և հաճախորդների փոխհարաբերությունները, մատակարարումների շղթաները և բիզնեսի մոդելները։ Միևնույն ժամանակ թվային զարգացման արագացումը կարող է բերել կիբեռհարձակումների թվի աճին, իսկ տնից մշտական աշխատանքը՝ առողջության հետ խնդիրների։
Լուսանկարը՝ Համաշխարհային տնտեսական ֆորումի պաշտոնական կայք էջի
Մեկնաբանել