Արցախում հաստատվել է կորոնավիրուսային հիվանդության 9 նոր դեպք
Հունվարի 20-ին Արցախում հաստատվել է կորոնավիրուսային հիվանդության 9 նոր դեպք՝ կատարված 56 թեստավորումից։ ԱՀ առողջապահության նախարարության հաղորդմամբ՝ վարակակիրները նախկինում հաստատված տարբեր օջախների կոնտակտավորներ են, իսկ որոշների մոտ հիվանդությունը բացահայտվել է բուժհաստատություն դիմելիս իրականացված հետազոտության արդյունքում:
ԱՀ առողջապահության նախարարության «Համաճարակաբանության և հիգիենայի կենտրոն» ՊՈԱԿ-ի մասնագետները ախտահանման աշխատանքներ են կատարել հաստատված օջախներում, ինչպես նաև թեստավորման համար նմուշառում իրականացրել հաստատված դեպքի կոնտակտավորներից:
Արցախում, ընդհանուր առմամբ, հաստատվել է կորոնավիրուսային հիվանդության 2266 դեպք, որոնցից 31-ը` մահվան ելքով: Կորոնավիրուսային հիվանդությամբ այս պահին ստացիոնար բուժում է ստանում 33 վարակակիր, իսկ թեթև ձևերը ամբուլատոր բուժում են ստանում տնային պայմաններում: Կատարվել է ընդհանուր 18 751 թեստավորում:
Մեկնաբանել