ԵԽԽՎ նիստում բարձրացվել է հայ ռազմագերիներին ազատ արձակելու հարցը
ԵԽԽՎ քաղաքական խմբերում և լիագումար նիստում Ադրբեջանում պահվող հայ ռազմագերիներին ազատ արձակելու վերաբերյալ հարց է բարձրացվել։ Այս մասին հայտնում է Հայաստանի ԱԺ «Լուսավոր Հայաստան» խմբակցության նախագահ Էդմոն Մարուքյանը, որը ԵԽԽՎ հայկական պատվիրակության կազմում մասնակցում է այդ կառույցի ձմեռային նստաշրջանին։
«Այսօր առավոտյան տեղի ունեցած քննարկումների ժամանակ մեր կողմից կատարված աշխատանքի արդյունքում քիչ առաջ քաղաքական երկու խմբերի ղեկավարներ Ալեսքանդր Պոչեյը (Եվրոպայի ժողովրդական կուսակցության խումբ) և Ժակ Մէրը (Եվրոպայի Ազատականների և ժողովրդավարների դաշինք խումբ) ԵԽ գլխավոր քարտուղարի առջև Ադրբեջանում պահվող հայ ռազմագերիներին ազատ արձակելու վերաբերյալ հարց բարձրացրեցին»,- իր ֆեյսբուքյան էջում գրել է Էդմոն Մարուքյանը։
Ավելի վաղ պատգամավորն ակցիա էր կազմակերպել նիստերի դահլիճի մուտքի մոտ։
Մեկնաբանել