![](/static/articles/01/26/69/l-yFHLq0CRk0.jpg)
«Չորրորդ ինքնիշխանություն». Երևան են հասել՝ կրկնակի վճարելով
Էջմիածնում մեծամասնական ընտրակարգով ՀՀԿ-ն առաջադրել է Մանվել Գրիգորյանի եղբոր որդու՝ գործող պատգամավոր, ՀՀԿ-ական Հրանտ Գրիգորյանի թեկնածությունը:
Վերջին շրջանում մամուլում հաճախ է դժգոհություն հնչում՝ կապված Մասիսի տարածաշրջանի մի շարք համայնքների տրանսպորտային գծերի աշխատանքի մասով: «ՉԻ» տեղեկություններով՝ այդ տարածաշրջանի թե ավտոբուսային, թե միկրոավտոբուսային երթուղիները պատկանում են ԱԺ ՀՀԿ-ական պատգամավոր Հրանտ Գրիգորյանի հարազատ եղբայր, Արշալույսի գյուղապետ Զարզանդ Գրիգորյանին:
Ի դեպ, օրերս՝ մարտի 30-ին, ՀԱԿ-ի հանրահավաքի օրը, չեն աշխատել ինչպես այս երթուղու ավտոբուսներն ու միկրոավտոբուսները, այլև հենց Հրանտ Գրիգորյանին պատկանող, Էջմիածին քաղաքից և հարակից համայնքներից Երևան տեղափոխող ավտոբուսներն ու միկրոավտոբուսները:
Ուշագրավն այն է, սակայն, որ Հրանտն ու իր եղբայրը մի կողմից հաճոյացել են իշխանություններին, բայց մյուս կողմից էլ բնակչությանը հասցրել են Երևան իրենց սեփական տաքսի ծառայությունների մեքենաներով: Պարզապես հանրահավաքի օրը տաքսիները աշխատել են կրկնակի գնով: Այսինքն՝ փող աշխատելու գծով ևս Հրանտն ու իր գյուղապետ եղբայրը լավ էլ շահել են:
Լուս՝ Գագիկ Շամշյանի
Մեկնաբանություններ (1)
Մեկնաբանել