Թարմացված 23:22

Փրկարարներն արգելափակումից դուրս են բերել մոտ 243 ավտոմեքենա և 82 քաղաքացու ցուցաբերել համապատասխան օգնություն։

33 փրկարար ծառայողներ տվյալ պահին իրականացնում են համապատասխան աշխատանքներ։

Փրկարարական աշխատանքներին մասնակցում են ՊՆ N զորամասի թվով 3 տեխնիկա և ՃՈ 4 կարգախումբ։

17:44

Հունվարի 30-ին, ժամը 12։32-ին Սյունիքի մարզային ճգնաժամային կառավարման կենտրոն ահազանգ է ստացվել, որ Գորիս-Սիսիան ավտոճանապարհին կան ձյան մեջ արգելափակված ավտոմեքենաներ. դուրս բերելու համար անհրաժեշտ է փրկարարների օգնությունը: Այս մասին տեղեկացնում է ԱԻՆ-ը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։

ժամը 15։30-ի դրությամբ փրկարարներն արգելափակումից դուրս են բերել մոտ 120 ավտոմեքենա: 

Փրկարարների կողմից տվյալ պահին իրականացվում են համապատասխան աշխատանքներ։