![](/static/articles/12/68/81/l-3fqwh1J8sG.jpg)
Ֆրանսիան, Չեխիան և Գերմանիան սահմանափակել են օտարերկրացիների մուտքը
Եվրոպական մի քանի երկրների իշխանություններ խստացրել են օտարերկրացիների մուտքն իրենց տարածք, որպեսզի նվազեցնեն նոր կորոնավիրուսային հիվանդության տարածման տեմպերը։ Այդ մասին գրում է Meduza-ն՝ հղում անելով «Reuters» գործակալությանը։
Հունվարի 31-ից կգործի Ֆրանսիան օտարերկրացիների մուտքի արգելքը։ Բացառություն կկազմեն միայն ԵՄ անդամ երկրները, իսկ այլ երկրներից ժամանման դեպքում՝ միայն անհետաձգելի դեպքերը։ Եվրամիության երկրներից Ֆրանսիա ժամանելու համար քաղաքացիները ստիպված կլինեն ներկայացնել COVID-19-ի թեստ։ Բացառությունը կտարածվի միայն Ֆրանսիայի սահմաններին հարակից շրջաններում բնակվողների և բեռնատարների վարորդների վրա։ Ֆրանսիական իշխանությունները կարծում են, որ այդպիսի սահմանափակումները հնարավորություն կտան խուսափել երկրում նոր լոքդաունից։
Գերմանիան հունվարի 30-փետրվարի 17-ը արգելել է իր երկիր Մեծ Բրիտանիայից, Պորտուգալիայից, Իռլանդիայից, Բրազիլիայից և Հարավաֆրիկյան Հանրապետությունից ժամանումը։ Բացառությունը կտարածվի միայն այդ երկրներից ժամանող Գերմանիայի քաղաքացիների համար, ինչպես նաև նրանց, որոնք ունեն գերմանական մշտական կացության քարտ։
Չեխիան ևս հունվարի 30-ից արգելել է իր տարածք օտարերկրացիների մուտքը, բացառությամբ նրանց, որոնք Չեխիա են ժամանում աշխատանքի, ուսման, բուժման կամ էլ ընտանեկան հարցերով։ Նրանք ստիպված կլինեն ներկայացնել կորոնավիրուսի բացասական թեստի պատասխան։
Վերջին տվյալներով աշխարհում գրանցվել է կորոնավիրուսի ավելի քան 102 միլիոն 769 հազար դեպք։ Ապաքինվել է շուրջ 74 միլիոն 475 հազար մարդ, մահացել՝ մոտ 2 միլիոն 219 հազարը։
Լուսանկարը՝ Reuters գործակալության
Մեկնաբանել