Փետրվարի 2-ի նիստում ՀՀ ԿԲ խորհուրդը որոշել է 0.25 տոկոսային կետով բարձրացնել վերաֆինանսավորման տոկոսադրույքը՝ սահմանելով 5.5%: Այս մասին տեղեկանում ենք Կենտրոնական բանկից:

Թե ինչն է հիմք հանդիսացել վերաֆինանսավորման տոկոսադրույքի բարձրացման համար, կմանրամասնվի ԿԲ նախագահ Մարտին Գալստյանի այսօրվա ասուլիսին, որը կկայանա օրվա երկրորդ կեսին: 

Հիշեցնենք, որ վերաֆինանսավորման տոկոսադրույքն այն տոկոսն է, որով Կենտրոնական բանկը վարկեր է տրամադրում գործող առևտրային բանկերին: