Ռուսաստանը հույս ունի, որ Լեռնային Ղարաբաղ ՅՈւՆԵՍԿՕ-ի առաքելության այցը կկայանա առաջիկայում։ Այդ մասին հինգշաբթի՝ փետրվարի 4-ին կայացած ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Ինչքանով տեղյակ եմ, ներկայումս բանակցություններ են ընթանում Լեռնային Ղարաբաղ և Ադրբեջանի հարակից շրջաններ ՅՈւՆԵՍԿՕ-ի առաքելության այցելություն կազմակերպելու ուղղությամբ։ Մենք հույս ունենք, որ այդ այցելությունը տեղի կունենա առաջիկայում և կնպաստի տարածաշրջանում փոխադարձ վստահության ամրապնդմանը»,- նշել է Զախարովան։

Հիշեցնենք, որ 2020 թվականի նոյեմբերի 20-ին ՅՈւՆԵՍԿՕ-ի գլխավոր տնօրեն Օդրե Ազուլեն հայտարարել էր Արցախ առաքելություն ուղարկելու պատրաստակամության մասին, որը պետք է օգներ տարածաշրջանում պատմամշակութային ժառանգության վերականգնմանը։

Լուսանկարը՝ ՌԴ ԱԳՆ մամուլի ծառայության