Կովկասի բնության հիմնադրամը 75 հազար եվրո է տրամադրել «Արփա» պահպանվող լանդշաֆտին
Կովկասի բնության հիմնադրամը /CNF/, Հայաստանի բնության հատուկ պահպանվող տարածքների 2021 թվականի ֆինանսական աջակցության ծրագրերի շրջանակում, 75 հազար եվրո է հատկացրել «Արփա» պահպանվող լանդշաֆտին։
Կովկասի բնության հիմնադրամի հանրային կապերի բաժինը տեղեկացնում է, որ տրվող աջակցությունը ապահովում է պահպանվող տարածքների արդյունավետ կառավարումը, տրվում են աշխատակիցների աշխատավարձերը, վճարվում կոմունալ և այլ ծառայությունների գումարները, կատարվում ծախսեր, որոնք կբարձրացնեն տարածքների պահպանության մակարդակը։
«Հատուկ ուշադրություն է դարձվել նաև պահպանվող տարածքում էկոտուրիզմի, մասնավորապես, կենդանադիտումների զարգացման համար ենթակառուցվածքների, տեխնիկական միջոցների, այդ թվում՝ մեքենայի ձեռք բերմանը։
«Արփա», նախկին՝ «Գնիշիկ» պահպանվող լանդշաֆտին Կովկասի բնության հիմնադրամը ֆինանսական աջակցություն ցուցաբերում է 2014 թվականից սկսած:
Նշենք, որ տարիների համագործակցությունը տվել է իր արդյունքը, և այս պահպանվող տարածքում են նաև պարբերաբար տեսանկարահանվում ընձառյուծը, բեզոարյան այծերը, գորշ արջն ու այլ կենդանատեսակներ»,- ասված է հաղորդագրության մեջ:
Մեկնաբանել