Մարտից ևս 4 ամսով արցախցիներին կտրամադրվի 68 հազար դրամ աջակցություն։ Աջակցություն չեն կարող ստանալ արական սեռի 18-63 տարեկան հաշմանդամություն չունեցող անձինք։ Կառավարությունը որոշումը կընդունի առաջիկա օրերին գրավոր ընթացակարգով։

«Արդեն ավելի քան 15 մլրդ դրամի աջակցություն է տրամադրվել Արցախի 100 000-ից ավելի քաղաքացիների։ Ինչպես նաև՝ Արցախում 2021 թվականի հունվարից վեց ամիս ժամկետով մի շարք ընկերությունների մասով եկամտային հարկի ամբողջական վերադարձ կլինի»,- նշեց Մեսրոպ Առաքելյանը: