Արցախյան պատերազմում զոհվածների հիշատակին նվիրված համերգ տեղի կունենա
«Զինծառայողների ապահովագրության» հիմնադրամի հանրային կապերի բաժինը տեղեկացնում է, որ փետրվարի 17-ին՝ ժամը 19:00-ին, Արամ Խարատրյան համերգասրահում տեղի է ունենալու «Արցախյան պատերազմում զոհվածների հիշատակին» նվիրված բարեգործական համերգ։ Տոմսերի վաճառքի ողջ հասույթն ուղղվելու է «Զինծառայողների ապահովագրության» հիմնադրամին։
Համերգը կյանքի է կոչվել Հայաստանի ազգային ակադեմիական երգչախմբի և Հայաստանի ազգային ֆիլհարմոնիկ նվագախմբի ջանքերով։ Համերգի դիրիժոր՝ ԽՍՀՄ ժողովրդական արտիստ Հովհաննես Չեքիջյան։
Նրբանկատորեն կազմված ծրագիրը ընդգծում է կայանալիք երեկոյի խորհուրդը, գեղեցկությունը և հուզականությունը։
Ծրագրում՝
ԵԿՄԱԼՅԱՆ – Տերունական աղոթք
ԲԱԲԱՋԱՆՅԱՆ – Տղերքը, որոնք չկան
ԵԿՄԱԼՅԱՆ – Պլպուլն Ավարայրի
ԵԿՄԱԼՅԱՆ – Սուրբ-սուրբ
ՌՈՍԻՆԻ – «Stabat mater» Quando Corpus
ՄՈՑԱՐՏ – «Requiem» Lacrimosa
ԴՎՈՐԺԱԿ – «Requiem» Pie Jesu
ՎԵՐԴԻ – «Նաբուկո» Գերիների խմբերգ
ՏԻԳՐԱՆՅԱՆ – «Անուշ» նախերգանք
ՉՈՒԽԱՋՅԱՆ – «Արշակ Բ» եկեղեցու տեսարան
ԿԱՆԱՉՅԱՆ – Օրոր
ԿՈՄԻՏԱՍ – «Պատարագ» Հոգի Յաստուծոյ
ԿՈՄԻՏԱՍ – «Պատարագ» Ընտրյալդ Յաստուծոյ
ԿՈՄԻՏԱՍ – Զուր ես գալի այ գարուն
Համերգասրահի ճեմասրահում տեղադրված է լինելու հանգանակության արկղ, որտեղ հանդիսատեսը ցանկության դեպքում կկարողանա կատարել նվիրաբերություն Հիմնադրամին։
Մեկնաբանել