ՀՀ մարդու իրավունքների պաշտպան Կարեն Անդրեասյանն ապրիլի 4-ին ընդունել է Հայաստանի Հանրապետությունում հավատարմագրված դեսպաններին, դիվանագիտական առաքելությունների ղեկավարներին ու միջազգային կառույցների ներկայացուցիչներին:

Կլոր սեղանի շուրջ քննարկվել են մարդու իրավունքների պաշտպանի 2011 թ. տարեկան զեկույցում նշված Հայատանում մարդու իրավունքների ոտնահարման հետ կապված խնդիրները:  Ի լրումն, պաշտպանը ներկայացրել է նաև 2012-2017 թթ. մարդու իրավունքների պաշտպանի  ռազմավարությունը, որին հետևել է հարց ու պատասխանի մասը:

Ռազմավարությունը մշակվել է միջազգային զեկույցներում արտացոլված, հասարակական կազմակերպությունների, քաղաքացիական հասարակության, առանձին անհատների, միջազգային հանրության կողմից բարձրացված, ինչպես նաև պաշտպանի տարեկան զեկույցում ներառված կարևորագույն խնդիրների հիման վրա։ Փաստաթղթի հիմքում ընկած են այն խնդիրներն ու ծրագրերը, որոնց պաշտպանի գրասենյակն անդրադառնալու է առաջիկա 5 տարիների ընթացքում։