Արտակարգ իրավիճակների նախարարությունը ապատեղեկատվություն է որակում համացանցում շրջանառվող տեղեկությունը, թե Հայաստանի Հանրապետության տարածքում, մասնավորապես, Երևանում, ուժեղ երկրաշարժ է սպասվում:

ԱԻՆ Սեյսմիկ պաշտպանության տարածքային ծառայությունը կրկին պաշտոնապես հերքում է այդ տեղեկատվությունը:

ԱԻՆ-ը հորդորում է չնպաստել կեղծ լուրերի և խուճապի տարածմանը, հետևել բացառապես ԱԻՆ պաշտոնական հաղորդագրություններին:

«Այս պահին երկրաշարժի օջախում լարվածությունը շարունակում է մարել»,- ասված է ԱԻՆ հաղորդագրության մեջ: