Բանից պարզվում է՝ ՕԵԿ կանանց համաժողովի ժամանակ Հեղինե Բիշարյանը բառացիորեն ասել է. «...դրա համար, ի դեմս Արթուր Բաղդասարյանի, մեր կուսակցությունում կանայք շատ են...»:

«ՉԻ» - Հեչ լավ բան չստացվեց: Հիմա արդեն ՕԵԿ-ը կարող է պառակտվել, որովհետև «էգ առյուծ» տիտղոսի հավակնորդները փաստորեն շատանում են: Չէ, մենք հասկանում ենք, որ «առյուծն առյուծ է՝ էգ լինի, թե որձ», բայց հետաքրքիր է՝ Արթուր Բաղդասարյանը նո՞ւյնպես այդ կարծիքին է:

Մի ուրիշ հարց կա: Հեղինե Բիշարյանի այսօրինակ «բացահայտումները», ցավոք, ուշացած են: Ստացվում է, որ «Օրինաց երկիրն» իզուր էլ միայնակ է մասնակցում ընտրություններին: Եթե նման բան կար, ինչն էր խանգարում, որ Արթուր Բաղդասարյանը հանգիստ հանգրվանի ՀՀԿ համամասնական ցուցակի 6-րդ հորիզոնականում:

Մի խոսքով, «Օրինաց երկրի» նախընտրական քարոզարշավը գնալով ավելի ու ավելի է նմանվում «Երեք գումարած երկու» ֆիլմին: Չէ, ամենևին էլ ՕԵԿ ընտրողների թիվը նկատի չունենք, ոչ էլ պահածոների տուփերի առատությունը: Պարզապես այստեղ էլ է վերջում պարզվում, որ «Ջեկսոն ակազալսյա ժենշինոյ»: