Հայաստանում կորոնավիրուսի հաստատված դեպքերի թիվն ավելացել է 206-ով՝ ընդհանուր կազմելով 169 597: Նախօրեին կատարվել է 3431 թեստավորում (ընդհանուր՝ 691 146): Այս մասին հաղորդում է առողջապահության նախարարությունը:

Մահացել է 5 մարդ: Կորոնավիրուսից մահացության դեպքերի ընդհանուր թիվը 3155 է:

Առողջացել է ևս 128 քաղաքացի, և այժմ նրանց ընդհանուր թիվը հասել է 161 476-ի:

Այս պահին փաստացի բուժում է ստանում 4173 քաղաքացի:

Նախորդ օրն արձանագրվել է մահվան 1 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 793 է: