Մեքենան բախվել է «Հայրենիք» կինոթատրոնի քարե սյունին. վարորդը մահացել է
Փետրվարի 25-ին, ժամը 00։11-ին Երեւանի Շենգավիթ վարչական շրջանում գտնվող «Հայրենիք» կինոթատրոնի մոտակայքում տեղի է ունեցել ՃՏՊ․ ավտոմեքենան բախվել է սյանը, այնուհետև «Հայրենիք» կինոթատրոնի պատին։
ԱԻՆ տեղեկացմամբ՝ դեպքի վայր մեկնած փրկարարները պարզել են, որ Արշակունյաց պողոտայի թիվ 38 հասցեի մոտակայքում «Mercedes S500» մակնիշի ավտոմեքենան (վարորդ՝ Մ․ Դ․, ծնված 1994 թ.) դուրս է եկել ճանապարհի երթևեկելի հատվածից, բախվել գետնանցման երկու հենապատերին, այնուհետև «Հայրենիք» կինոթատրոնի քարե սյուներից մեկին։ Բախման հետևանքով հենապատերը (մասամբ՝ մոտ 4 քմ) և քարե սյունը (մոտ 6 մ բարձրությամբ) փլուզվել են:
Փրկարարները Մ. Դ․-ին դուրս են բերել ավտոմեքենայից և մոտեցրել շտապօգնության ավտոմեքենային։ Տուժածը հոսպիատալացվել է «Էրեբունի» ԲԿ, որտեղ մահացել է։
Փրկարարները հոսանքազրկել են ավտոմեքենան և սահմանազատել տարածքը։
Մեկնաբանել