Ապրիլի 5-ին արտակարգ իրավիճակների նախարարության ստորաբաժանումները Մանկավարժական համալսարանի քիմիական նյութերի պահեստից քիմիական նյութերի մեծ քանակություն տեղափոխեցին Նուրբ օրգանական քիմիայի գիտահետազատական ինստիտուտ, որի հետ նախօրոք պայմանավորվածություն էր ձեռք բերվել նյութերի պահպանման վերաբերյալ:

Փետրվարի 24-ին ԱԻՆ աշխատակիցներն ուսումնասիրություն էին կատարել Երևանի Խ. Աբովյանի անվան Հայկական պետական մանկավարժական համալսարանի քիմիական նյութերի պահեստում:

Ռեկտորի դիմումի համաձայն իրականացված ուսումնասիրության արդյունքում պարզվել էր, որ պահեստում տարաբնույթ քիմիական նյութերի մեծ քանակություն կա ապակյա տարաների և պոլիէթիլենային փաթեթների մեջ: Որոշ ապակյա տարաների վրայից բացակայում են պիտակները, և հնարավոր չէ առանց անալիզի պարզել նյութի տեսակը: