Արցախյան երկրորդ պատերազմում իրենց զավակներին կորցրած ծնողները, ցանկության և բժշկական հակացուցումներրի բացակայության դեպքում, հնարավորություն կունենան օգտվել վերարտադրողական օժանդակ տեխնոլոգիաներով մատուցվող ծառայություններից։ Որոշումն ընդունվեց կառավարության փետրվարի 25-ի նիստում։

Նախագծով սահմանվել է շահառուների նոր խումբ, որի համար վերացվել են սահմանված  հիմնական և լրացուցիչ պահանջները՝ հնարավորություն տալով արցախյան պատերազմի ընթացքում որդեկորույս ծնողներին` օգտվելու վերարտադրողական օժանդակ տեխնելոգիաներով մատուցվող ծառայություններից:

Կառավարության որոշմամբ պատերազմի ընթացքում և դրանից հետո մարտական գործողությունների հետևանքով զոհված որդու ծնողների համար չեն գործի անզավակ լինելու, սահմանված կարգով ՔԿԱԳ մարմիններում գրանցված լինելու և կնոջ՝ 42 տարեկանը լրացած չլինելու հիմնական պահանջները, որոնք առկա էին գործող օրենքում։