Հայաստանի մարդու իրավունքների պաշտպան Արման Թաթոյանը հայտարարություն է տարածել Հայաստանում ստեղծված ներքաղաքական ճգնաժամի վերաբերյալ։ 

Հիշեցնենք, այսօր առավոտյան ԶՈՒ Գլխավոր շտաբը հանդես եկավ վարչապետի եւ կառավարության հրաժարականի պահանջով, իսկ վարչապետն այն որակեց որպես հեղաշրջման փորձ։

«Երկրում ստեղծված իրավիճակը բոլորիցս պահանջում է բացառիկ ջանքեր՝ ապահովելու համար համերաշխություն ու բացարձակ հարգանք մարդու իրավունքների նկատմամբ: 

Չի կարելի թույլ տալ լարվածության բերող որևէ զարգացում:

Իշխանության ու առաջին հերթին իրավապահ մարմինները պարտավոր են ղեկավարվել բացառապես իրավունքի գերակայությամբ ու խստորեն ապահովել մարդու  իրավունքների պաշտպանությունը երկրում:

Այս պատասխանատու օրերին առավել քան երբևէ մեզ անհրաժեշտ է զգոնություն և համերաշխություն»,- ասված է ՄԻՊ հայտարարության մեջ: