![](/static/articles/12/79/43/l-BB1qJuZQyi.jpg)
ԵԱՀԿ գործող նախագահ Անն Լինդեն անդրադարձել է Հայաստանում ներքաղաքական անկայունությանը
Շվեդիայի արտաքին գործերի նախարար և ԵԱՀԿ գործող նախագահ Անն Լինդեն կոչ է արել Հայաստանում առկա ներքաղաքական լարվածությունը լուծել ոչ բռնի ճանապարհով։ Այդ մասին նա գրառում է արել թվիթերյան իր միկրոբլոգում։
Concerned with the latest developments in #Armenia. I urge all parties to act peacefully in respect of @OSCE commitments on democratic processes and the rule of law. The situation must be resolved without violence. #OSCE2021SWE
— Ann Linde (@AnnLinde) February 25, 2021
«Ես մտահոգված եմ Հայաստանում վերջին իրադարձություններով։ Բոլոր կողմերին կոչ եմ անում հարգել այն պարտավորությունները, որոնք նրանք ստանձնել են ԵԱՀԿ շրջանակներում և վերաբերում են ժողովրդավարական գործընթացներին ու իրավունքի գերակայությանը։ Իրավիճակը պետք է լուծվի առանց բռնության գործադրման»,- գրել է Լինդեն։
Հինգշաբթի՝ փետրվարի 25-ի կեսօրին, ՀՀ ԶՈւ գլխավոր շտաբը տարածել էր հայտարարություն, որտեղ նշվում էր, որ երկրում ստեղծված իրավիճակի պատճառով Գլխավոր շտաբը պահանջում է վարչապետի և Կառավարության հրաժարականը, ինչպես նաև խորհուրդ տալիս խուսափել ուժի կիրառումից։ Գլխավոր շտաբը հայտարարել էր, որ «ՀՀ վարչապետը և Կառավարությունն այլևս ի վիճակի չեն ընդունելու ադեկվատ որոշումներ՝ հայ ժողովրդի համար այս ճգնաժամային և ճակատագրական իրավիճակում»։
Վարչապետ Նիկոլ Փաշինյանը, ֆեյսբուքյան ուղիղ եթերի ժամանակ հայտարարել էր, որ պաշտոնից ազատել է ԶՈւ ԳՇ պետ, գեներալ-գնդապետ Օնիկ Գասպարյանին։ Նա Գլխավոր շտաբի հայտարարությունն անվանել էր ռազմական հեղաշրջման փորձ և համախոհներին կոչ արել հավաքվել Հանրապետության հրապարակում։
Լուսանկարը՝ nord.news-ից
Մեկնաբանել