Մատվիենկոն Ադրբեջանի խորհրդարանի խոսնակին խնդրել է օգնել հայրենիք վերադարձնել հայ երկու կին գերիներին
Ռուսաստանի Դաշնության Դաշնային խորհրդի խոսնակ Վալենտինա Մատվիենկոն Ադրբեջանի Միլի մեջլիսի խոսնակ Սաբիհա Գաֆարովայի հետ հեռախոսազրույցի ժամանակ վերջինիս խնդրել է օգնել հայրենիք վերադարձնել հայ երկու կին գերիներին։ Այդ մասին նշվում է ՌԴ Դաշնային խորհրդի տարածած հաղորդագրության մեջ։
Հաղորդագրության մեջ նշվում է, որ հեռախոսազրույցի հիմնական շեշտը հիմնականում դրվել է ղարաբաղյան հակամարտության գոտում հումանիտար խնդիրների լուծմանը։ Մատվիենկոյի խոսքերով՝ խորհրդարանականները կարող են օգնել ղարաբաղյան հակամարտության գոտում հումանիտար խնդիրների լուծմանը։
Կողմերը քննարկել են նաև ռուս-ադրբեջանական երկկողմ խորհրդարանական կապերը, ինչպես նաև տարածաշրջանային մի շարք այլ հիմնախնդիրներ։
Լուսանկարը՝ ՌԴ Դաշնային խորհրդի մամուլի ծառայության
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել