Բնակչությանը չտարհանելու և դրա հետևանքով մահվան դեպքերի առթիվ քրեական գործ է հարուցվել
Արցախում բնակչության տարահանում չկատարելու և դրա արդյունքում քաղաքացիական անձանց մահ առաջանալու դեպքի առթիվ քրեական գործ է հարուցվել:
Արցախի քննչական կոմիտեն տեղեկացնում է, որ Հատկապես կարևոր գործերով քննության վարչությունում վարույթ է ընդունվել Արցախի գլխավոր դատախազությունում ԱՀ քրեական օրենսգրքի 334-րդ հոդվածի 2-րդ մասով նախատեսված՝ 2020թ. սեպտեմբերի 27-ին Արցախի Հանրապետության նկատմամբ սկսված պատերազմի հետևանքով ադրբեջանական զինված ուժերի վերահսկողության տակ մնացած տարածքներից, պետական կառավարման տարածքային և տեղական ինքնակառավարման մարմինների կողմից «Քաղաքացիական պաշտպանության մասին» ԱՀ օրենքի համաձայն՝ բնակչության տարհանում չկատարելու և դրա արդյունքում քաղաքացիական անձանց մահ առաջանալու դեպքի առթիվ հարուցված քրեական գործը:
Քրեական գործի շրջանակներում իրականացվում են բազմածավալ դատավարական և քննչական գործողություններ:
Նախաքննությունը շարունակվում է:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով նախատեսված կարգով, դատարանի` օրինական ուժի մեջ մտած դատավճռով:
Լուսանկարը՝ Հադրութ քաղաքից, 02․10․2020 / © Սարո Բաղդասարյան
Մեկնաբանել