Փետրվարի 20-ին Քննչական կոմիտեն քրեական գործ է հարուցել, որով «Հայրենիքի փրկության շարժման» ղեկավար Վազգեն Մանուկյանը ներգրավվել է որպես մեղադրյալ Քրեական օրենսգրքի 301 հոդվածով, այն է՝ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը։

Այս մասին այսօր «Հայրենիքի փրկության շարժման» հրավիրած հանրահավաքի ժամանակ հայտնեց ընդդիմադիր գործիչ Գեղամ Մանուկյանը։

Մանուկյանը նշեց, որ այդ հոդվածը տարածվել է շարժման մի շարք մասնակիցների վրա։ Մանուկյանը հիշեցրեց, որ Վազգեն Մանուկյանը եղել է 1988 թ.-ի ղարաբաղյան շարժման առաջին հանրահավաքի կազմակերպիչը, Ղարաբաղ կոմիտեի նախագահը։